KONPOST ONENARENDAKO LEHIAKETA

Parte hartu ahal izango du Iruñerrian etxeko edo auzoko konposta egiten duen pertsona orok.

IZENA EMATEA

Lehiaketan izena emateko epea 2021ko martxoaren 23a eta apirilaren 13a artekoa izango da.

Izen-ematea formalizatzeko, dagokion fitxa (etxeko konpostajerakoa edo auzoko konpostajerakoa) bete behar da –orrialde honen eskuinean behera kargatu ahal da– eta IMren Erregistro Nagusira eraman behar da (Chinchilla Jeneralaren kalea, 7, Iruña), 08:30etik 14:30era, astelehenetik ostiralera. Posta elektronikoaren bidez ere bidali ahal izango da, mcp@mcp.es helbidera, gaian “Konpost onenarendako bigarren lehiaketa” jarrita.

Jasotako izen-emate guztiekin lehiaketara igaroko direnen hautaketa bat egingo da.

SARIAK

Etxeko konpost onenaren saria diru-kopuru bat izango da, baratze eta/edo lorategirako produktuekin edo Nafarroako Landetxeen Sareko establezimendu batean nekazaritza-turismoko egonaldi batekin trukatu beharrekoa.

• LEHEN SARIA: 600 euro
• BIGARREN SARIA: 300 euro
• HIRUGARREN SARIA: 150 euro

Auzoko konpost onenaren saria guneari aitortza publikoa egitea eta konposta egiteko gune horretan parte hartzen duten pertsona guztientzako birziklapen-materiala ematea izango da.