Bisita Arazuriko araztegira eta paseoa baltsan

Jarduera hasteko, bisita egingo da Arazuriko HUAra. Helburua da, hain zuzen, Iruñerriko hondakin urak tratatzeko araztegi horretan egiten diren lanak ezagutaraztea.

Handik, Iberora joango gara, eta jardueraren bigarren zatia hasiko da. Hain zuzen, ibilbidea egingo da ibaian, gomazko txalupan, Etxauriraino. Ingurumen edukietan eta nabigazioan espezialista den pertsona batek gidatuko du.

Besteak beste, hauek nabarmenduko ditugu: ibaiko habitataren garrantzia, konektore ekologikoa den heinean, landareak biodibertsitaterako babesleku moduan eta inguru horretako zenbait ibai espezie.

• Jarduerak gutxi gorabehera lau ordu eta erdiko iraupena izango du. Dena den, aldaketak izan daitezke, egun bakoitzean egin dezakeen eguraldiaren edo izan daitezkeen baldintza teknikoen ondorioz.
• Segurtasun arrazoiak direla-eta, jarduera hau ez dago gomendatuta 11 urtetik beherako neska-mutikoek egiteko.
• Busti daitezkeen oinetakoak eramatea garrantzitsua da.

Elkargunea: Arazuriko araztegiko aparkalekua.

_____

Manco Agenda buletina bidaltzen den egunean irekiko dira izen-emateak. Harpidetu zaitez hemen!