Biboteak
Iruñerriko Mankomunitateak, Nafarroako Animaliak Babesteko Fundazioarekin lankidetzan, erakusketa hau sortu du, eta helburua da etxe bat behar duten animaliei zoriontsuak izaten eta jolasez eta maitasunez betetako bizitza bat izaten laguntzea.
Erabat dotore atera ahal izateko moduan prestatu dira argazki saio honetarako, eta haren bidez zenbait animalia iletsu aurkeztu nahi dizkizuegu. Animatzen zara ezagutzera?
Maskota bat edukitzeak abantaila asko ditu, eta erakusketa honetan alde on horiek zein diren kontatu nahi dizugu. Animaliak Babesteko Fundazioko kideek egiten duten lan bizi eta eskerga goresteaz gain, lotura izan nahi dugu egoera bakoitza ikusgai egiteko eta harremanetan jartzeko etorkizuneko jabeak eta maskotak.
Denon erantzukizuna da animaliak zaindu, babestu eta errespetatzea, gure naturako altxor handietako bat baitira.
“Hanka emateko”, laguntzeko, modu asko daude. Bisitatu gure erakusketa, eta, argibide gehiago nahi izanez gero, edozein zalantza argitu ahal izango duzu NAFARROAKO ANIMALIAK BABESTEKO FUNDAZIOAREKIN. Atsegin handiz lagunduko dizute.
-
GaztelaniaEuskara
- Inskripziogabe
Jarduera nabarmenduak
Etorri San Andres Errota ezagutzera eta jakin eraikinaren historia, nola sortzen den energia eta nola egiten den irina barnean energia horrekin.
Jada edateko ona den ura biltegiratzen da Mendillorriko ur-biltegietan, ur hori gure etxeetara iritsi aurretik.
Zentro bikain honetan, jatorrizko pilategiaren kopia bat dago, bolatze tradizionala nola egiten zen ikasteko eta bere historiara pitin bat gehiago gerturatzeko.
Badakizu etxean edaten duzun ura hemendik joaten dela? Etorri natura-ingurune sinestezin hau bisitatzera eta ezagutu urari buruzko datu interesgarri-interesgarriak.
