• Erakusketa
  • 'Begirada ezberdin bat' - Pobreziaren eta gizarte-bazterketaren kontrako nafarroako sarea

    Begiratu berriro, kendu lausoa betaurrekoei, utzi alde batera gizarte-miopia. Inguruan duzun errealitatea uste duzuna baino aberatsagoa eta askotarikoagoa da.

    Nafarroako gizartearen ertzetan, arreta gutxien jartzen zaien pertsonak daude, sailen protagonista izan ohi ez direnak, aldizkarietako iragarkietan ateratzen ez direnak. Pertsona horiek erdian kokatzeko, eta benetan ikusteko, baina baita entzuteko ere, argazki-erakusketa hau prestatu dugu. Aporofobia, behartsuari zaion beldur eta arbuioa, desager dadin.

    Inklusioaren kristalen bidez zer ikusten den ikusteko erakusketa bat da, inklusioaren barnean pertsona guztiek baitute lekua.

    Argazkiak dira, nafar bizilagunen bizitzen eszenak, Unai Beroiz fotokazetariaren begiradaren bitartez hartuak. Erretratuetan ageri diren pertsonen konfiantzatik, parte-hartzetik, inplikaziotik eta konplizitatetik egindako irudiak.

    2020ko eta 2021eko hilabeteetan Nafarroan egindako 15 argazkik eratuko dute erakusketa. Argazkiekin batera, azalpenak emateko testua egongo da. Eta “Jantzi inklusioaren betaurrekoak” kanpainako irudien sail bat ere egongo da.

     

    Unai Beroiz

    1982an jaioa, fotokazetari beregaina da, argazkiaren arloari lotua ia duela hamabi urtetik eta ohiko kolaboratzailea eta profesionala prentsan.

    Bere argazkiak La Vanguardia, El Periódico de Catalunya, Marca eta Diario de Noticias de Navarra egunkarietan kaleratu izan dira. Eta bai nazioarteko argitalpenetan ere, hala nola The Guardian eta Makeshift aldizkarian. Bere lana argitaratu da Efe, France Press eta Reutersen. Berdintasunik ezen eta bidegabekeria sozialen gaineko interesa izanik, lankidetzan aritu da zenbait gobernuz kanpoko erakunde eta elkarterekin.

     

    _____

    Irisgarritasun-neurriak ditugu zure esku erakusketa honetarako. Egin iezaguzu kontsulta!

    • Adin guztietako hartzaileak
    • Gaztelania
      Euskara
    • Doakoa
    • Inskripziogabe
  • Concejo de Ustarroz, 31016 Iruña

    Berdegune bat, identifikatuta dauden zuhaitz eta zuhaixka espezie askotarikoak dituen paseo botanikoa duen parke handi bat eta, era berean, aldi batean edo etengabe Iruñerrian bizi diren hegazti ugariren habitata.

    15 Jarduera
    1 Paseo
  • Jarduera nabarmenduak

    Bisita gidatua

    Etorri San Andres Errota ezagutzera eta jakin eraikinaren historia, nola sortzen den energia eta nola egiten den irina barnean energia horrekin.

    Hurrengo eguneanLarunbata 4 de Otsaila
    Bisita gidatua

    Zentro bikain honetan, jatorrizko pilategiaren kopia bat dago, bolatze tradizionala nola egiten zen ikasteko eta bere historiara pitin bat gehiago gerturatzeko. 

    Hurrengo eguneanLarunbata 4 de Otsaila
    Bisita gidatua

    Badakizu etxean edaten duzun ura hemendik joaten dela? Etorri natura-ingurune sinestezin hau bisitatzera eta ezagutu urari buruzko datu interesgarri-interesgarriak.

    Hurrengo eguneanLarunbata 4 de Otsaila
    Beste batzuk
    Hurrengo eguneanOstirala 3 de Otsaila