BATNIGHT - Saguzarraren gaua
Hegan egiteko gai diren ugaztun bakarrak dira saguzarrak, euren eskuak hegal bihurtu baitira. Gaueko ohiturak izateak eta iluntasunean norabidea aurkitzeko duten ahalmenak ekarri du tradizioz beldurra eragiten duten animaliak izatea.
Nolanahi ere, salbuespen arraroetan izan ezik, ez diote kalterik egiten gizakiari eta oso erabilgarri eta lagungarriak dira izurriteei aurre egiteko. Espezieen %70 inguru intsektujaleak dira, eta gainerakoetan gehienak, fruitujaleak edo nektarjaleak. Batzuek bakarrik jaten dituzte ornodun txikiak, hala nola igelak, karraskariak, hegaztiak, arrainak, beste saguzar batzuk edo, banpiroen kasuan bezala, odola. Nafarroan 27 espezie zenbatu dira.
Ugaztun interesgarri hauei buruz gehiago jakin eta beren habitat naturalean ikusi nahi badituzu, heldu den irailaren 13an, ostirala, San Andres Errotan elkartuko gara, 20:00etan.
Jardueraren programa
- 20:00etan, saguzarrak ezagutzen hastea aditu baten laguntzarekin: sailkapena, morfologia, norabidea aurkitzeko sistemak, habitatak, estatusa
- 21:00etan, mokadu bat jatea, Errotako tabernak eskainita.
- 21:30ean, saguzarrak behatzeko ibilbidea egitea, Ibai Parkean.
- 23:00etan, programa amaitzea.
Izena emateko epea bukatu da
-
GaztelaniaEuskara
-
Doakoa
- Inskripzioarekin
Jarduera nabarmenduak
Etorri San Andres Errota ezagutzera eta jakin eraikinaren historia, nola sortzen den energia eta nola egiten den irina barnean energia horrekin.
Jada edateko ona den ura biltegiratzen da Mendillorriko ur-biltegietan, ur hori gure etxeetara iritsi aurretik.
Zentro bikain honetan, jatorrizko pilategiaren kopia bat dago, bolatze tradizionala nola egiten zen ikasteko eta bere historiara pitin bat gehiago gerturatzeko.
Badakizu etxean edaten duzun ura hemendik joaten dela? Etorri natura-ingurune sinestezin hau bisitatzera eta ezagutu urari buruzko datu interesgarri-interesgarriak.
