Mancomunidad de la Comarca de Pamplona

Mancomunidad de la Comarca de Pamplona

Gai organikoen bilketa

RSS

Tabs

Deskribapena

Helburua da kalitate oneko gai organikoak bereiztea, material desegokirik gabe, bosgarren edukiontzira bota edo etxean konposta egiteko erabiltzeko.

Etxean konposta egitea erabakitzen duten etxebizitzen kasuan, Mankomunitateak konpost-ontzi bat emango dio familia boluntario bakoitzari. Bilketa bosgarren edukiontziaren bidez egiten bada –marroi koloreko identifikazioa du eta “Gai organikoak” izendapena–, giltzaz baino ezin izango da ireki. Gainera, 2021 eta 2023 artean, txartelaren edo mugikorrerako app-aren bidez zabaltzen diren edukiontzi berriak ezartzen ari dira.

Gogoan izan ezazu bosgarren edukiontzia irekitzeko giltza bat behar dela, IMren Herritarren Arretarako Zerbitzuaren bulegoan lor daitekeena.

Preguntas frecuentes

Poltsarik gabe bota daitezke gai organikoak bosgarren edukiontzira?

Ez, gai organikoak poltsa baten barnean sartuta bota behar dira.

Gai organikoak bosgarren edukiontzira botatzeko edozein motatako poltsa erabil dezaket?

Bai, edozein motatako poltsa erabil daiteke.

Zergatik behar da giltza bat bosgarren edukiontzia irekitzeko?

Gai organikoen gaikako bilketan lortu nahi da material hori garbi uztea, elementu desegokirik gabe, ondorengo tratamendua ez zailtzeko. Hori dela-eta, gai organikoak birziklatzean benetako interesa duten eta hondakin horiek bereizi eta botatzeko motibatuta dauden familiek baino ezin izango dute ireki edukiontzia.

Zer gertatuko da bosgarren edukiontziko giltza galtzen bazait?

Berria lortu ahal izango duzu gune hauetako batera joanda:
 
·        Garbiguneak, bai finkoak eta bai mugikorrak ere (garbiguneen zerrenda)
·        Herritarren arretarako ditugun bulegoak (Navas de Tolosa kalea, 29, behealdea, Iruñea)
·        Iruñerriko Mankomunitatearen instalazioak (Arazuri, Gongora, Mendillorri…)

Bosgarren edukiontzirako giltza bat baino gehiago eska dezake familia bakoitzak?

Bai, baina arrazoi justifikatua eduki beharko da horretarako: etxebizitzan pertsona desberdinak bizitzea une desberdinetan, familia nukleoan kide asko egotea…

Zerikusia duten zerbitzuak

  • Nora botako dut?
    Erabili bilatzailea eta ikusi zein den hondakin bakoitza botatzeko toki egokia.
  • Nola kudeatu behar ditut hondakin berdeak?
    Mankomunitateak hondakin berdeak jasotzen ditu Arazuriko Hondakin Uren Araztegian, baldin eta partikularrek, enpresek eta erakundeek ezin badituzte kudeatu edo balorizatu beren kasa.
  • Elektronikoki irekitzen diren edukiontziak ezartzea
    2021eko udazkena eta 2023a bitartean. Gai organikoetarako edukiontziak eta gainerakoetarakoak helbide bakoitzari lotutako txartel elektroniko baten edo mugikorretarako aplikazio baten bidez irekiko dira.
Informazio horrek balio izan dizu?