Mancomunidad de la Comarca de Pamplona

Mancomunidad de la Comarca de Pamplona

Albisteak RSS
Hondakinak
2021/02/17

IM bosgarren aldiz saritu dute, paperaren eta kartoiaren bilketan bikaintasunez aritzeagatik

2019an Iruñerrian berreskuratutako paperaren eta kartoiaren batezbestekoa 47,9 kilogramokoa izan zen biztanleko eta urteko

Iruñerriko Mankomunitateak bosgarren urtez jarraian jaso du ASPAPEL elkarteak (Ore, Paper eta Kartoi Fabrikatzaileen Espainiako Elkartea) paperaren eta kartoiaren gaikako bilketaren kudeaketan beren bikaintasunarengatik nabarmendu diren toki-erakundeei ematen dien sari nagusia.

Oraingo honetan, zehazki, 2019an egindako lana aitortu da. Saria emateko saioa atzo, asteartea, egin zen, ekitaldi birtual batean eta saioaren hasieran ASPAPEL elkarteko lehendakariak, Elisabet Alierrek, esku hartu zuen, eta amaieran, Ingurumeneko estatu-idazkariak, Hugo Moránek.

Beren bikaintasunarengatik urtero saritzen diren toki-erakundeek paperezko txori urdin bat, bi edo hiru lortzen dituzte, baremo objektibo baten arabera eta ebaluazioan lortutako emaitzetatik abiatuta. Oraingoan, hamahiru autonomia-erkidegotako 37 toki-erakundek (udalak eta udalerrien elkarteak) lortu dute aitortza: 28 toki-erakundek paperezko hiru txori jaso dituzte, bostek bi eta lauk paperezko txori bat. Aitortza jasotako erakunde guztietara bidali ditu sariak ASPAPELek, eta Iruñerriko Mankomunitateari dagokiona David Campión lehendakariak jaso zuen, erakundearen egoitzan.

ASPAPEL elkarteak gogorarazi duenez, ‘Paperezko txori urdinak’ programa zorrotza da, birziklapen-helburuak lortzen eta ekonomia zirkularraren bidean aurrera egiten laguntzen duena. Sarietarako egindako ebaluazioa hogeita bat adierazletan oinarritzen da, ezarrita dauden baremoen arabera baloratzen direnak eta alderdi hauei dagokien guztia aztertzen dutenak: edukiontzi urdineko bilketa eta bilketa osagarriak, herritarrei informazioa emateko eta haiek sentsibilizatzeko kanpainak eta ekintzak, kudeaketaren arautzeari eta plangintzari dagozkien alderdiak, eta emaitzak eta trazabilitatea azken birziklapeneraino.

47,9 kg berreskuratu biztanleko eta urteko

Mankomunitateak egiten duen paper- eta kartoi-bilketarako 4.107 edukiontzi daude Iruñerrian banatuta, eta 37 buzoi bilketa pneumatikorako, Iruñeko Alde Zaharrean. Sistema hori osatzeko, atez ateko bilketa egiten da: Alde Zaharreko saltoki guztien eskura dago eta astelehenetik larunbatera egiten da. ASPAPELek emandako datuen arabera, 2019an, Iruñerrian berreskuratutako paperaren eta kartoiaren batezbestekoa 47,9 kilogramokoa izan zen biztanleko eta urteko, eta kopuru hori Nafarroan erregistratutako batezbestekoa (33,4 kg) eta nazioko batezbestekoa (20,6 kg) baino handiagoa da.

Nabarmendu behar da Mankomunitateak egin duen azken gogobetetasun-azterlanean, 2019an egindakoan, etxebizitzen %91k adierazi zutela paper- eta kartoi-bilketa ona edo oso ona dela. Negozioen eta enpresen kasuan, balorazio on hori kontsulta egindako erakundeen %83k eman zuten.

Beste albiste batzuk

  • Ostiral, larunbat eta jaiegunen bezperetako gauetako gaueko zerbitzuaren ordutegia luzatu da
  • Udazken honetan, sistema berria Mendillorrin, Sarrigurenen, Zabalguneetan, Beloson, Lezkairun, Erripagañan, Arrosadian eta Mutiloan...
  • Helburua da urtegiaren hondoan dauden manganesoa eta burdina kentzea, horrek uraren kalitatea hobetzeko bidea ematen baitu