Mancomunidad de la Comarca de Pamplona

Mancomunidad de la Comarca de Pamplona

Albisteak RSS
Hondakinak
2020/05/08

Astelehenean, maiatzak 11, abian jarriko da beira biltzeko zerbitzua Iruñeko Alde Zaharrean

Lanegunetan bilketa bat egingo da, 15:00etan, eta jaiegunetan, bi, 08:00etan eta 15:00etan

Hurrengo astelehenean, maiatzak 11, abian jarriko da beira biltzeko zerbitzua Iruñeko Alde Zaharrean. Zerbitzu hori bertan behera gelditu zen martxoaren 16an, astelehena, alarma-egoera izendatu zelako, eta berreskuratu egingo da Iruñea konfinamendua arintzeko lehenengo fasera igarotzen dela berresten bada.

Astelehenetik ostiralera bilketa bat egingo da, eta 15:00etan hasiko da. Larunbat eta igandeetan, aldiz, bi bilketa egingo dira egunean, 08:00etatik eta 15:00etatik aurrera.

Prozedura izango da establezimenduko ontzi guztiak ordeztea, garbi eta desinfektatuta dauden batzuk hartuta. Gomendatzen da establezimenduak dauzkan ontzi guztiak ateratzea, nahiz eta ontzi batzuek beirarik ez eduki.

Adierazi behar da Emausko Trapuketarietako langileek (beraiek arduratzen dira bilketaz) ontziak desinfektatuko dituztela manipulatu ondoren. Era berean, eskatu nahi zaie establezimenduei ontziak desinfektatzeko, establezimenduaren atarian utzi eta gero. Azkenik, establezimendu bakoitzeko langileei eskatu behar zaie hustu eta berehala sartzeko ontziak barnera.

2019an, Mankomunitateak 9.940 tona beira berreskuratu zituen Iruñerrian. Haietatik 1.224 tona Iruñeko Alde Zaharreko ostalaritza-establezimenduetako bilketan jasotakoak izan ziren.

Beste albiste batzuk

  • Ostiral, larunbat eta jaiegunen bezperetako gauetako gaueko zerbitzuaren ordutegia luzatu da
  • Udazken honetan, sistema berria Mendillorrin, Sarrigurenen, Zabalguneetan, Beloson, Lezkairun, Erripagañan, Arrosadian eta Mutiloan...
  • Helburua da urtegiaren hondoan dauden manganesoa eta burdina kentzea, horrek uraren kalitatea hobetzeko bidea ematen baitu