Familia ugarietako kideek C gizarte tarifako txartel pertsonalizatua edukitzeko eskubidea dute. 2017erako tarifa hori 0,49 € izango da.
Eta nahi izanez gero, txartel horretan FAMILIA UGARIENTZAKO 30EGUNEKO ABONUA kargatu ahal izango dute. Abonu horrek 21 € balio du.
Gogoan izan familia ugari bateko kide bakoitzak izan behar duela bere garraio txartela, behin bakarrik bidaiatu baitezake abonuaren prezioan edo tarifa hobaridunaren prezioan. Bigarren bidaia eta hurrengoak tarifa normalaren arabera egiten dira, baldin eta bigarren bidaia hori ez bada linea aldaketa, hala bada doakoa baita.
IRAUNGITZEA
Txartel guztiek 5 urteko indarraldia izango dute, baliozkotasun txikiagoa duten dokumentuek bermatuta badaude izan ezik (C profilaren kasuan, familia ugariaren agiria). Hartara, kasu horietan, gizarte profileko garraio txartelaren indarraldia bat etorriko da dokumentu horien baliozkotasunarekin.
Zure txartela iraungi bada edo hilabete igaro baino lehen iraungi behar badu, eta ez baduzu eskatu berritze erraza, lotura honetan eska dezakezu txartela berritzea.
BERRITZE ERRAZA
Izapideak arindu ahal izateko, ‘berritze erraza’ egin daiteke. Interesdunaren onespena izanik, Mankomunitateak nortasunaren eta familia ugariaren agiriaren datuak kontsultatu ahal izango ditu, eta, beraz, ez dira aurkeztu beharko txartela berritu behar den bakoitzean.
Onespena emateko, lotura hau erabil dezakezu.
