Mancomunidad de la Comarca de Pamplona

Mancomunidad de la Comarca de Pamplona

Gizartetik baztertuak izateko egoeran dauden pertsonentzako garraio txartelak

RSS

Tabs

Deskribapena

Baldintza hauetakoren bat betetzen duen familia-unitate bat eratzen duten pertsonentzat:

a) Errenta bermatuaren edo bizitzeko gutxieneko errentaren onuraduna izatea.

b) Kotizazio gabeko erretiro-pentsioen kenkariaren zenbatekoaren ordainketa aurreratuaren onuraduna izatea, Pertsona fisikoen errentari buruzko zergaren Foru Legearen testu bategina onartzen duen ekainaren 2ko 4/2008 Legegintzako Foru Dekretuaren 68. bis artikuluan araututa daudenak, eta bai 110/2017 Foru Dekretuan, abenduaren 13koan, kenkari horien ordainketa aurreratua arautzen duenean, edo, baliogabetuz gero, haiek ordezten dituen araudian.

c) Inklusioaren, Gizarte Segurantzaren eta Migrazioen Ministerioaren arreta humanitarioko eta nazioarteko babeserako harrerako programen eskatzailea edo onuraduna izatea.

Pertsona horiek diru-zorroa edo txanpon-titulua kargatzeko txartel pertsonalizatua edukitzeko eskubidea dute, eta F tarifa bereziko prezioa (tarifak kontsultatu) dagokie bidaia bakoitzeko, bai eguneko zerbitzuan, bai eta gauekoan ere.

Txartel hori duten pertsonek 30EGUNEKO ABONU orokorra kargatu ahal dute. Hain zuzen, abonuaren prezioa (tarifak kontsultatu) errentagarria izango zaie, 173 bidaia baino gehiago egiten badituzte.

Txartel hau erabiltzeko, aktibatu eta gutxienez 5 euroko karga egin beharko duzu txartelak kargatzeko sareko edozein gunetan.

IRAUNGITZEA

F profileko txartelen indarraldia egiaztagirien indarraldi berbera da. 

Behin F tarifako txartela eman denean, berritzea automatikoki egingo da, baldin eta beste administrazio batzuekin datuak kontsultatzeko baimena badugu.

Ez badugu baimen hori, txartela ematea justifikatu zuen egoera berriro egiaztatu beharko da, beharrezkoak diren dokumentuak eramanda Herritarren Arretarako Zerbitzuaren bulegoetara. Horretarako, aurretiazko hitzordua eskatu behar duzu lotura honetan edo Herritarren Arretarako Zerbitzuaren 948 42 32 42 telefono-zenbakira deituta. 

F profileko onuradun izateari uzten badiozu, beste garraio-txartel pertsonalizatu bat eskatu ahal izango duzu Herritarren Arretarako Zerbitzuaren bulegoan. Txartel iraungia eramaten baduzu, saldoa txartel berrira pasatzeko eskatu ahal izango duzu.

Preguntas frecuentes

Beste pertsona batzuen bidaia ordaindu dezaket nire txartel sozialaren bidez?

 

Bai.

Dena den, erabiltzaile arruntaren tarifa kobratuko da: 0,70 euro.

Zerikusia duten zerbitzuak

Nire txartel pertsonalizatua iraungita dago. Zer egin behar dut?

Txartela C motakoa bada (familia ugariak) eta iraungita badago, txartel pertsonalizatuak egiteko lekuetako edozeinetara joan beharko duzu eta dokumentu hauek eraman:

  • Familia ugariaren agiria
  • Koloretako argazki bat, nortasun agirikoaren tamainakoa

Gogoan izan behar duzu, txartela iraungita badago ere, saldoa amaitu arte erabili ahal izango duzula.

Zerikusia duten zerbitzuak

Nola funtzionatzen du autobusez aldatzeak?

Bi garraio-linea desberdin erabiltzen badituzu 45 minutuko tartean lehen aldiz ordaindu duzunetik, bigarren bidaia linea-aldaketatzat joko da, eta, horrenbestez, doakoa izango da. Dena den, garraio-txartela erabilita bakarrik egin daiteke eta, hortaz, ez da aplikatzen eskudirutan ordaindu baldin bada bidaia.

Zer egin behar dut txartela hondatzen bazait?

Txartela izengabea bada, kargatzeko lekuetako edozeinetara  joan behar duzu eta txartel hondatua eraman behar duzu.

B motako pertsonalizatua bada (65 urtetik gorakoak, errenta mugarik gabe) edo C motakoa (familia ugariak) edo abonu bat, txartel pertsonalizatuak sortzeko guneetako edozeinetara joan beharko duzu.

Txartela E (ahalmen urritasuna duten pertsonak) edo F (baztertze sozialeko egoerako pertsonak) motakoa bada, Mankomunitatearen bulegoetara joan behar da (Navas de Tolosa kalearen 29.ean daude, behealdean), astelehenetik ostiralera, 08:30etik 14:30era.

Txartel pertsonalizatuen kasuan, dokumentu hauek eraman behar dira:

  • Txartel hondatua
  • Nortasun agiriaren kopia
  • Familia ugariaren agiria (C motako txartelen kasuan)

Txartelak saldoa badu eta irakur badaiteke, unean bertan aldatuko da txartel berrira. Ezin bada irakurri, ordea, 10 egun igaro eta karga bat egin eta gero egingo da.

Gainera, 7 euro ordaindu behar dira: 2 euro, txartela ordaintzeko, eta 5, kargatzeko.

Zerikusia duten zerbitzuak

Zer egin behar dut txartel pertsonalizatua galtzen bazait?

Zure txartela B motakoa (65 urtetik gorakoak, errenta mugarik gabe), C motakoa (familia ugariak) edo abonu bat bada, txartel pertsonalizatuak sortzeko guneetako edozeinetara joan beharko duzu.

Txartela E (ahalmen urritasuna duten pertsonak) edo F (baztertze sozialeko egoerako pertsonak) motakoa bada, Mankomunitatearen bulegoetara joan behar da (Navas de Tolosa kalearen 29.ean daude, behealdean), astelehenetik ostiralera, 08:30etik 14:30era.

Dokumentu hauek eraman behar dira:

  • Nortasun agiriaren kopia
  • Koloretako argazkia, nortasun agirikoaren tamainakoa
  • Familia ugariaren agiria (C motako txartelen kasuan)

Gainera, 7 euro ordaindu behar dira: 2 euro, txartela ordaintzeko, eta 5, kargatzeko.

Zerikusia duten zerbitzuak

Nora deitu dezaket taxia eskatzeko?

948 232300 / 948 351335 (Tele Taxi San Fermín / www.taxipamplona.com)

609 452191  Taxi Licencia 044

Zerikusia duten zerbitzuak

Auto-motak badu eraginik prezioan?

Ez, aplikatu beharreko tarifak berberak dira, ibilgailu-mota eta -modeloa gorabehera. 

Zerikusia duten zerbitzuak

Taxi bat geldiaraz dezaket kalean?

Bai, baldin eta taxia zerbitzuan badago eta libre (argi berdea duela piztuta) eta ez badago taxi-geraleku batetik gertu (25 metro baino gutxiago), beste taxi edo erabiltzaile batzuk zain daudela. 

Zerikusia duten zerbitzuak

Zergatik kobratzen da gehigarri bat erabiltzailearen bila joateagatik?

Zerbitzua hitzartzeagatiko gehigarria tarifen onarpenean jasota dago, eta justifikatuta dago zerbitzua erreserbatzeko beharrezkoa den kudeaketa eta azpiegituragatiko konpentsazioa eta hutsik lekualdatzeagatiko taxi-gidariari egin beharreko konpentsazioa dela-eta. 

Zerikusia duten zerbitzuak

Txartela erabil daiteke ordaintzeko?

Bai, taxi guztietan erabil daiteke txartela ordaintzeko.

Zerikusia duten zerbitzuak

Non kontsultatu dezaket hurbilen dagoen geralekua?

Informazio hori Teletaxi San Fermín elkartearen webgunean edo IMren webguneko atal honetan kontsultatu ahal da. 

Zerikusia duten zerbitzuak

Ba al dago mugikorrerako aplikaziorik taxia eskatzeko?

Bai, zehazki, “Pidetaxi” izeneko aplikazioa da, mugikorrerako, eta Android, IOS eta Blackberryrako dago eskuragarri.

Zerikusia duten zerbitzuak

Zenbat pertsonak bidaiatu dezakete taxi batean?

Normalean, ibilgailuek 5 plaza dituzte eta, beraz, 4 erabiltzailek bidaiatu dezakete. Edonola ere, badira plaza gehiago dituzten ibilgailuak (6, 7, 8 eta bai 9 plaza ere), eta haietan bidaiari gehiago joan daitezke. Berariaz eska daitezke ibilgailu horiek, Teletaxi San Fermín elkartearen telefono-zenbakietara deituta (948 232300 / 948 351335).

Zerikusia duten zerbitzuak

Tarifak araututa daude?

Iruñerriko Mankomunitateak arautzen ditu tarifak, eta IMren webguneko atal honetan kontsultatu ahal dira. 

Zer dira eurotaxiak?

Desgaitasunen bat duten pertsonentzat egokituta dauden ibilgailuak dira, adibidez: gurpildun aulkian ibiltzen diren pertsonekin zerbitzuak egiteko egokituta daude. Egun, Iruñerriko taxi-zerbitzuaren flotan ezaugarri horiek dituzten 25 ibilgailu daude. 

Nola lor daiteke desgaitasuna duten pertsonentzako txartela?

Zure udalarekin harremanetan jarri behar duzu, eta hark adieraziko dizkizu txartel horren onuradun izateko beharrezkoak diren baldintzak. 

Zerikusia duten zerbitzuak

Informazio horrek balio izan dizu?