Garraio txartelak | Mancomunidad de la Comarca de Pamplona

Tabs

Deskribapena

Txartel izengabea / txartel pertsonalizatua

Bi txartel mota daude: izengabeak eta pertsonalizatuak.

TXARTEL IZENGABEAK

Tarifa hobariduna edukitzeko eskubiderik ez duen eta 30Eguneko abonua erabiltzen ez duen edozein pertsonarentzat.

TXARTEL PERTSONALIZATUAK: TARIFA HOBARIDUNAK

B tarifa: 65 urtetik gorakoentzat. Nola eskuratu.
C tarifa: Familia ugarientzat. Nola eskuratu. Nola berritu
E tarifa: Ahalmen urritasuna duten pertsonak (ezintasun absolutua edo %65eko edo gehiagoko ahalmen urritasuna). Nola eskuratu.
F tarifa: Gizartetik baztertuak izateko egoeran dauden pertsonentzat. Nola eskuratu
J Tarifa: 31 urtetik beherakoentzako 30EGUNEKO ABONUrako txartela. Nola eskuratu. Nola eskuratu

ABONU OROKORRERAKO TXARTEL PERTSONALIZATUAK

30EGUNEKO ABONU orokorrerako txartela. Nola eskuratu

NON ESKURATZEN DIRA?

Txartel izengabeak txartelak kargatzeko guneetako edozeinetan eskuratu daitezke.
B, C eta J gizarte tarifako txartelak eta 30EGUNEKO ABONU orokorra berehala bideratu daitezke txartel pertsonalizatuak sortzeko guneetako edozeinetan. Horrez gain, on line eska daitezke, webgune honen bidez, edo aurrez aurre, txartelak kargatzeko guneetako edozeinetan.
E eta F gizarte tarifako txartelak Mankomunitatearen Herritarren Arretarako Zerbitzuaren bulegoetan eskatu behar dira (Navas de Tolosa kalearen 29.ean, behealdean), astelehenetik ostiralera, 08:30etik 14:30era.Uztailean eta abuztuan, 08:30etik 14:00etara.Aurretik ordua hartu behar da.

Txartela hondatzen edo galtzen bada edo balioa galtzen badu, gune berberetara joan beharko da, beharrezkoak diren agiriekin.

TXARTELEN KOSTUA

Txartel izengabeak: 2 €
Txartel pertsonalizatuak, abonu orokorrerako: 2€
Txartel pertsonalizatuak (gizarte tarifak): doakoak dira. Dena den, hondatzen edo galtzen badira, 2 € ordaindu behar dira berria egiteko

Kostu hori kobratuko da txartelean lehen karga egiten denean. Txartela hartzen denean, gutxienez, 5 €-ko karga egin beharko da, saltokian bertan.

NON KARGATZEN DIRA?

Txartel guztiak txartelak kargatzeko guneetako edozeinetan kargatu daitezke.

IRAUNGITZEA

Txartel guztiek 5 urteko indarraldia izango dute, baliozkotasun txikiagoa duten dokumentuek bermatuta badaude izan ezik (C profila, F eta J 31 urtetik hurbil). Hartara, kasu horietan, gizarte profileko garraio txartelaren indarraldia bat etorriko da dokumentu horien baliozkotasunarekin.

Garraio txartelen baliozkotasuna automatikoki berrituko da beste 5 urtetarako, azken urtean txartela erabili dela detektatzen bada (billabesan bidaiatuta edo saldoa kargatuta). Ez bada hala, iraungi egingo dira txartela bera eta hari lotuta dagoen saldoa.

Behin 5 urteak gainditu direnean, zure txartela ez bada berritu, hura berritzeko edo txartel berria eskatu beharko da, ‘Non eskuratzen dira?’ atalean azaltzen den moduan.

Txartela erabiltzearekin edo kargatzearekin lotutako edozein arazo konpontzeko, Mankomunitatearen Herritarren Arretarako Zerbitzura joan behar da.

Preguntas frecuentes

Beste pertsona batzuen bidaia ordaindu dezaket nire txartel sozialaren bidez?

Bai.

Dena den, erabiltzaile arruntaren tarifa kobratuko da: 0,70 euro.

Nire txartel pertsonalizatua iraungita dago. Zer egin behar dut?

Txartela C motakoa bada (familia ugariak) eta iraungita badago, txartel pertsonalizatuak egiteko lekuetako edozeinetara joan beharko duzu eta dokumentu hauek eraman:

Familia ugariaren agiria
Koloretako argazki bat, nortasun agirikoaren tamainakoa

Gogoan izan behar duzu, txartela iraungita badago ere, saldoa amaitu arte erabili ahal izango duzula.

Txartel pertsonalizatuak egiteko lekuak

Nola funtzionatzen du autobusez aldatzeak?

Bi garraio linea desberdin erabiltzen badira 45 minutuko tarte batean lehen baliogabetzetik, bigarren bidaia transbordo edo autobusez aldatzetzat jotzen da eta doakoa da.

Zer egin behar dut txartela hondatzen bazait?

Txartela izengabea bada, kargatzeko lekuetako edozeinetara joan behar duzu eta txartel hondatua eraman behar duzu.

B motako pertsonalizatua bada (65 urtetik gorakoak, errenta mugarik gabe) edo C motakoa (familia ugariak) edo abonu bat, txartel pertsonalizatuak sortzeko guneetako edozeinetara joan beharko duzu.

Txartela E (ahalmen urritasuna duten pertsonak) edo F (baztertze sozialeko egoerako pertsonak) motakoa bada, Mankomunitatearen bulegoetara joan behar da (Navas de Tolosa kalearen 29.ean daude, behealdean), astelehenetik ostiralera, 08:30etik 14:30era.

Txartel pertsonalizatuen kasuan, dokumentu hauek eraman behar dira:

Txartel hondatua
Nortasun agiriaren kopia
Familia ugariaren agiria (C motako txartelen kasuan)

Txartelak saldoa badu eta irakur badaiteke, unean bertan aldatuko da txartel berrira. Ezin bada irakurri, ordea, 10 egun igaro eta karga bat egin eta gero egingo da.

Gainera, 7 euro ordaindu behar dira: 2 euro, txartela ordaintzeko, eta 5, kargatzeko.

Zer egin behar dut txartel pertsonalizatua galtzen bazait?

Zure txartela B motakoa (65 urtetik gorakoak, errenta mugarik gabe), C motakoa (familia ugariak) edo abonu bat bada, txartel pertsonalizatuak sortzeko guneetako edozeinetara joan beharko duzu.

Dokumentu hauek eraman behar dira:

Nortasun agiriaren kopia
Koloretako argazkia, nortasun agirikoaren tamainakoa
Familia ugariaren agiria (C motako txartelen kasuan)