Nafarroako Gobernuak jaulkitako familia ugariaren titulua iraungitzen den unean iraungitzen dira familia ugarientzako garraio txartelak, eta, beraz, blokeatuta gelditzen dira berriro kargatzeko.
Zerbitzu honen bidez, berritzea eskatu ahal izango duzu, iraungi baino hilabete lehenagotik, familia ugariaren titulu berria aurkeztuta.
BERRITZE ERRAZA
Izapideak arindu ahal izateko, ‘berritze erraza’ egin daiteke. Interesdunaren onespena izanik, Mankomunitateak nortasunaren eta familia ugariaren agiriaren datuak kontsultatu ahal izango ditu, eta, beraz, ez dira aurkeztu beharko txartela berritu behar den bakoitzean.
