Uztailaren 15a, asteazkena, eta irailaren 6a artean udako ordutegia egongo da martxan Eskualdeko Hiri Garraioan, eta, beraz, maiztasunak murriztuko dira zenbait lineatan. Aldaketaren arrazoi nagusia da urte sasoi honetan bidaiari kopurua nabarmen gutxitzen dela, herritar asko oporretan baitira, eta ikastetxeak eta unibertsitateak itxita baitaude.

Udako ordutegiari dagokion informazio zehatza sareko zutoin eta markesinetan dago. Horrez gain, Eskualdeko Hiri Garraioaren webgunean ere kontsultatu ahal da: www.infotuc.es.