Mancomunidad de la Comarca de Pamplona

Mancomunidad de la Comarca de Pamplona

Albisteak RSS
Garraioa
2020/06/19

Igandetik aurrera, ekainak 21, ez da edukiera-mugarik izango billabesetan

Gainera, igandetik astelehenerako gauetik aurrera gaueko zerbitzua martxan hasiko da berriro

Igandetik aurrera, ekainak 21, alarma-egoeraren amaiera dela-eta, Eskualdeko Hiri Garraioak aldaketak egingo ditu, eskaera emendatzen joateari egokitzen joateko.

BILLABESETAN EZ DA IZANGO EDUKIERA-MUGARIK

Jakina denez, une honetan erabilgarri daude eserita joateko plaza guztiak eta zutik joatekoetan muga mantentzen da. Hartara, igandetik aurrera, hilak 21, ez da muga hori egongo.

BERRIRO HASIKO DA GAUEKO ZERBITZUA

Igandetik astelehenerako gauetik aurrera berriro hasiko da gaueko zerbitzua, ezaugarri hauekin:

  • Igandetik ostegunerako gauak: egun-mota horietarako ohiko ordutegi eta maiztasunekin.
  • Ostiraletako, larunbatetako eta jaiegunen bezperetako gauak: ohikoa baino pixka bat murritzagoa den zerbitzua, azken irteerak 2:00 AM inguruan eginez.

Mankomunitateak gogora ekarri nahi du, oro har, krisian hartutako neurri hauei eutsi egingo zaiela:

  • Maskarak nahitaez erabili beharko dira, ekainaren 9ko 21/2020 Errege Lege Dekretuaren arabera.
  • Eskudirutan ordaindu ahal izateak bertan behera jarraitzen du.
  • Garraio-txartelaren bidez ordaintzeko, gidatzeko postuaren atzealdean dagoen txarteletarako makinan ordaindu behar da.

Adierazi behar da hurrengo egunetan ez dela aldaketarik izango eguneko zerbitzuan.

Indarrean dauden ordutegi eta maiztasunen informazio zehatza Hiri Garraioaren webgunean kontsultatu ahal da (www.infotuc.es), “Tu Villavesa” aplikazioan eta IMk herritarrei arreta emateko duen telefono-zenbaki honetan: 948 423242.

Beste albiste batzuk

  • Lauhilekoaren amaieran ordainduko litzateke itxialdiak ukitutako egunei dagokien fakturaren zatia
  • COVID-19aren aurka egiteko Nafarroako Gobernuak agindutako neurrien artean ezarrita dago Hiri Garraioan gehieneko edukiera %50ekoa izango...
  • Kostuak ordaintzera zigortu du alderdi demandatua, Nafarroako Kontratuen Administrazio Auzitegia