Mancomunidad de la Comarca de Pamplona

Mancomunidad de la Comarca de Pamplona

Albisteak RSS
Ura
2019/01/24

Ur-gailu bat kokatzea eskaintzeko iruzurrezkoak izan daitezkeen bisitez ohartarazi du Mankomunitateak

Etxebizitzetara egindako bisiten bidez ur-gailu bat saltzen saiatzen omen dira txorrotako uraren kalitatea hobetzeko

Mankomunitateak ohartarazi du iruzurrezkoak izan daitezkeen bisitak egiten ari direla Iruñerriko etxebizitzetara egun hauetan. Bisita horiek batez ere adineko pertsonen etxetara egiten ari dira, eta horietan txorrotako ura ez dela osasungarria adierazten diete bizilagunei. Ustezko kalitate txar hori konpontzeko ur-gailu bat saltzen diete.

Mankomunitateak argitzen du ez duela zerikusirik bisita horiekin. Horrez gain, Iruñerriko uraren kalitate ona bermatua dagoela gogorarazi nahi du. Hori dela-eta, herritarrei arretaz jokatzeko gomendatzen die, iruzurra izan daitekeelako susmoa baitute.

Ur horniduraren zerbitzuari buruzko edozein kontsulta egiteko, Iruñerriko erabiltzaileek Mankomunitateko Herritarren Arretarako Zerbitzuaren telefono zenbakia balia dezakete: 948 423242

Beste albiste batzuk

  • Zuhaitza 2.530 botila berrerabilgarrik eratuta dago eta zortzigarren urtez jarraian kokatu da Baluarteko plazan
  • Bihar, asteartea, izango den Komunaren Mundu Egunaren kariaz sustatutako kanpainarekin bat egin dute NILSAk eta IMk
  • Lasterketa egin bitartean zerbitzutik kanpo egongo da Sarasate pasealekuaren 1ean dagoen taxi-geralekua