Mancomunidad de la Comarca de Pamplona

Mancomunidad de la Comarca de Pamplona

Albisteak RSS
Hondakinak
2021/02/24

Ostalaritzarako eta saltokietarako hondakin-tasak murriztea onartu du IMk

Aurtengo bigarren lauhilekotik aurrera aplikatuko da jaitsiera

Joan den astelehenean Iruñerriko Mankomunitateko Batzar Nagusiak egin zuen saioan aho batez onartu zuen Iruñerriko ostalaritzari eta saltokiei, pandemian zehar ezarritako murrizketek ukitutakoei, hondakin-tasa beheratzea.

Aldaketa, hain zuzen, “2021eko hiri-hondakinak kudeatzeko zerbitzuak emateagatiko tributu-izaera ez duten ondare-prestazio publikoak arautzen dituen ordenantza” izenekoan egin da, tarifa horiek arautzen baititu. Zehazki, aldaketa hauek onetsi ziren eta 2021eko bigarren lauhilekoan hartuko dute indarra:

  • %30eko murrizketa, erabilera nagusitzat kafetegi-taberna, jatetxe, ostatu, aterpetxe edo hotelarena duten lokalei dagozkien tarifetan.
  • %30eko murrizketa, zinema, antzoki eta entzunaretoei dagozkien tarifetan.
  • %25eko murrizketa, erabilera nagusia bulegokoa, jarduera ekonomikoa duen etxebizitzakoa edo merkataritzako lokalekoa duten higiezinei dagozkien tarifetan.

Nabarmendu behar da aurtengo lehen lauhilekoan indarrean dagoen ordenantza, 2020ari dagokiona, aplikatzen jarraituko dela, beren lokalen barnealdea itxita eduki behar izan duten egunetan ostalaritzako negozioak eta jatetxeak ordaintzetik salbuesten dituena. 2020an, konfinamenduaren eta negozioak itxita edukitzearen ondorioz, Mankomunitateak 1.623.000 euro fakturatu gabe utzi zituen. 2021eko lehen lauhilekoan salbuespen horiei eusten zaie, eta egunean 4.700 euro izatea dakarte.

Beste albiste batzuk

  • Bisita gidatuak, jarduera osagarriak, lehiaketak, erakusketak, biomaratoiak eta ibai-ertzak garbitzeko saioak dira proposamenetako batzuk
  • IMk 2018an proiektatu zuen Sareak Berritzeko Planeko aurreneko jarduketetako bat da
  • Aurreikusita dago Ibai Parkean sortu den baso berri horrek 503 tona CO2 xurgatzea 30 urtean